قوانين المنتدى

التسجيل في هذا المنتدى مجاني! ونرجو أن تلتزم بالقواعد والسياسات المفصلة أدناه. إذا كنت توافق على هذه الشروط ، قم بالتأشر على خانة 'اوافق' واضغط على زر 'التسجل' أدناه. إذا أردت إلغاء التسجيل ، إنقر هنا العودة إلى صفحة المنتدى الرئيسية.

قوانين وشروط المنتدى

مع محاولتنا لمنع المواضيع والردود الي فيها خنبقة او مخالفه للشروط اوالغير سنعه ونظراً للعدد الهائل من أعضاءنا الله لا يضرهم فترى ما يمدينا نشوف كل شئ
ومن الحين نقول بالفم المليان إن أي شئ يكتب يعبر عن رأي راعيه ولا نتحمل مسؤوليته
وبما ان هالموقع موقعنا حنا يالاعضاء المسجلين قبلكم وحنا حرين وبكيفنا عشان كذا اللي يبي يسجل معنا لازم يوافق على شروطنا ويكون مسؤول عن أي شي يكتبه ولا مهوب ملزوم يسجل وهالشي راجع له وبكيفه :
1- كل منتدى من هالمنتديات يحق لك تكتب موضوع لكن يناسب المنتدى (مهوب تروح لمنتدى الهلالين وتقول ياروحي يالنصر ) والباقين يعلقون عليه وبكيفهم بيعلقون بيذبون هم حرين وما فيه اي قيود الا الحكي الماصل اللي ماله سنع أو الحكي الوصخ او قلب المواضيع شات واللي بيقول الحكي الوصخ والماصل اويقلب المواضيع شات مهوب أزين له واي شي تكتبه لنا الحق نتصرف فيه بأي طريقة كانت .
2- مسموح الذب بكافة انواعه وترا اللي بيزعل من الذب حنا بنستلمه ذب لأن الزعل عندنا ممنوع اما اللي يسب والسب هنا غير الذب البرئ ( السب يعني الألفاظ البذيئه ) ترانا بنقمبع به . ( بنقمبع به = بنسكربه ) ( نسكربه = نشوته سكروب أو بوز ايهما انسب لنا)
3-أي واحد بيكتب موضوع 100اللغه العربيه الفصحى بكيفه بس لا يبلش خلق الله انهم يردون عليه بلغه عربيه فصحى , كل واحد حر يرد زي ما يبي واللي بيغثنا ويبلشنا الا تردون علي بالفصحى بنسنعه تسنيع مضبوط . ترا علمناكم لا تقولون ما درينا والا ما قرينا الشروط .. بكيفكم .
4 -تبون تحكون في الدين والسياسه مايخالف بس لاتقعدون تتفلسفون وتحكون في امور مالها سنع , ابعدوا عن الثوابت والطوائف والرموز و الجدل اللي ماينفع واللي يبي يحكي في هالامور ويتفلسف فيها فيه مية الف ساحه غيرنا يروح لهم يسولف عندهم ثم يجي يوسع صدره معنا بس يجيب لنا مناقشاتهم .. لا .. معصي .. ما نطيع .
5- مسموح التسجيل بأسامي هبال قايز كلها ما عدا المخله بالاداب العامه والأسماء اللي فيها اسم عوايل او قبايل يعني اعقلوا , ترا مناب ناقصين ذب يجي بعده شي في النفوس
6- تتعهد انك ما تعطي كلمة السر لأحد موبعدين تجي تقول مهوب انا اللي قايل ذا الحكي اللي انكتب .. ترا هالحركات ما تمشي علينا .
7- قد تصلك رسائل إعلانية عن طريق هبال قايز . . نبي نترزق الله وونفع سيرفرات هبال قايز وان حصل إزعاج نعتذر ويتم التواصل مع الإدارة لمنعها عنكم
8-اذا قريت الشروط كلها ووافقت عليها ونويت تسجل اختار لك اسم رايق بشرط مايكون احد مسجل فيه وترا اللي بيحط مدات في اسمه وجا احد واشتكاه انه مقلد اسمه بنشطب اسم الجديد ونخلي القديم والاسم الي تختاره انت مهوب حنا يعني لا تبلشنا غيرو اسمي .